Anbar proqramı olmayan yerdə planlama niyə çətin olur?
Hər axşam mağazanın qapısını bağlayıb, o qalın, vərəqləri saralmış uçot dəftərini qarşınıza qoyanda nələr hiss etdiyinizi çox yaxşı bilirəm. Qələmlə qaralanmış rəqəmlər, "bunu sabah yoxlayaram" deyə kənarına ulduz qoyulmuş qeydlər... Həmin an insan özünü bir biznes sahibi kimi yox, sadəcə xaosun içində boğulan bir xilasedici kimi hiss edir.
Dəfələrlə şahidi olmuşam: İnsanlar böyük həvəslə, illərlə topladığı pul ilə bir iş qururlar. Rəflər dolur, işıqlar yanır, hər şey mükəmməl görünür. Amma aylar keçdikcə ortada görünməyən bir problem yaranır – Planlama böhranı. Gəlin etiraf edək, əgər biznesinizdə sadə və anlaşılan bir anbar proqramı yoxdursa, siz əslində biznes idarə etmirsiniz. Siz sadəcə hər gün lotereya oynayır, "inşallah bu gün filan mal bitməz" deyə ümid edirsiniz. Bəs niyə proqramsız anbar uçotu planlamanı mümkünsüz edir? Gəlin otaqdakı fili göstərək. 1. Kor-koranə Sifariş: "Məncə, bundan gətirək" Anbar proqramı olmayan yerdə qərarlar rəqəmlərlə deyil, hisslərlə verilir. Təchizatçı qapıdan içəri girib "Nə yazım?" soruşanda, kənardan rəflərə göz gəzdirib "Məncə, sudan 5 karobka, çaydan da 10 dənə yaz" deyirsiniz. 2. Müştəri İnamının Qırılması: O məşhur "Yoxumuzdur" kəlməsi Bir müştəri mağazanıza girib müəyyən bir məhsulu axtaranda və siz arxa otağa (anbara) gedib 10 dəqiqə axtarış etdikdən sonra əliboş, təngnəfəs qayıdıb "Qurtarıb e, sabah gələcək" deyirsinizsə, o müştərini psixoloji olaraq itirirsiniz. Müştəri üçün ən pis təcrübə gözlədilib, sonda yox cavabı almaqdır. 3. Rəflərdə Donmuş Sərmayə (Gizli İflas) Biznesdə pul həmişə hərəkətdə olmalıdır. Anbar uçotu aparılmayan yerdə sahibkar çox vaxt gəlirinin hara getdiyini anlamır. Kassada pul yoxdur, amma baxırsınız ki, mal var. Çünki hansı məhsulun hansı mövsümdə, hansı günlərdə daha çox satıldığını analiz edə bilmirsiniz. 4. Sahibkarın Psixoloji Yükü: Beyindəki Anbar Ən ağırı da budur. Proqram yoxdursa, anbar sizin beyninizə köçür. Siz evdə ailənizlə yemək yeyəndə, dincəlməyə çalışanda beyninizin bir küncündə həmişə o sual fırlanır: "Görəsən depodakı o qırmızı qablaşdırmalı maldan neçə dənə qalmışdı?" Bu, insanı daxildən yeyib bitirən, biznesə olan həvəsi öldürən bir xaosdur. Beyniniz məlumat anbarı deyil, ideya yaratmaq, biznesi böyütmək üçündür. Rəqəmləri yadda saxlamaq işini sistemə buraxmaq lazımdır. Xaosdan Çıxış Yolu Nədir? Planlama o