CRM Proqramı Nədir və Sahibkarlarımız Niyə Ondan Qorxur? (Excel-dən Xilas Yolu)

Təsəvvür edin: Mağazanıza bir müştəri daxil olur. Üzü sizə çox tanışdır, bilirsiniz ki, daimi alıcınızdır. O, kassanın qarşısına keçib gülümsəyərək deyir: "Keçən ay aldığımdan istəyirəm, o çox yaxşı idi." Və həmin an mağazada buz kimi bir sükut yaranır. Çünki siz onun keçən ay nə aldığını xatırlamırsınız. O qalın dəftərləri vərəqləyir, kompüterdəki Excel cədvəllərində "Ctrl+F" edib ad axtarır, amma tapa bilmirsiniz. Sonda utana-utana: "Bağışlayın, tam olaraq nə almışdınız?" deyə soruşursunuz. O an müştərinin üzündəki o xəyal qırıqlığını görmək, bəlkə də bir sahibkar üçün ən ağır mənzərədir. Müştəri özünü dəyərsiz, sıradan biri kimi hiss edir. Biznesdə bir qızıl qayda var: İnsanlar məhsulu yox, onlara özlərini xüsusi hiss etdirən xidməti alırlar. Bəs yüzlərlə, minlərlə müştərini necə "xüsusi" hiss etdirmək olar? Bax, tam bu nöqtədə həyatımıza o məşhur 3 hərfli söz daxil olur: CRM. CRM Nədir və Biz Ondan Niyə Qorxuruq? İnternetdə "CRM proqramı nədir" deyə axtarış etsəniz, qarşınıza belə qəliz bir tərif çıxacaq: "Customer Relationship Management - Müştəri Münasibətlərinin İdarəolunması sistemi." Sonra da qarşınıza onlarla qrafik, qəliz terminlər ("satış qıfı", "lead generation") çıxacaq. Azərbaycanda bir çox kiçik və orta biznes sahibi məhz bu qəlizliyə görə CRM proqramlarından uzaq qaçır. Onlar düşünürlər ki, "Bu sistemlər böyük banklar, çağrı mərkəzləri (call-center) və holdinqlər üçündür. Mənim balaca butikimə, xırdavat mağazama və ya anbarıma bu qədər qəliz şey lazım deyil." Və haqlıdırlar da! Sizin 50 addımlıq satış analizlərinə ehtiyacınız yoxdur. Sizin ehtiyacınız olan şey çox sadədir: Kim nə vaxt gəldi, nə aldı və mənə nə qədər borcu var? Müştəri bazasını Excel-də və ya telefon kontaktlarında saxlamaq isə artıq işə yaramır. Telefon itə bilər, Excel-dəki sətirlər qarışa bilər. Ən pisi isə, kassa başqa yerdə, müştəri bazası başqa yerdə olanda siz heç vaxt bu ikisini birləşdirə bilmirsiniz. Əsl CRM Necə Olmalıdır? (Coo.az Fəlsəfəsi) Müasir biznesdə proqramlar fərq