Müştəri Niyə Bir Daha Gəlmir? Kiçik Mağazalar Üçün Bonus Sistemi

Bakıda geyim mağazası olan bir tanışım var. Keçən il üzünü tutdu mənə: "Yeni müştəri tapmaq əvvəlkindən çox başa gəlir. Sosial mediaya pul xərclədim, elan verdim — gəldilər, aldılar, getdilər. Bir daha görmədim." Bu şikayəti yalnız ondan eşitməmişəm. Baqqalda, əczaçılıqda, geyim dükanında — eyni problem. Müştəri bir dəfə gəlir. İkinci dəfəsi üçün yenidən xərcləmək lazım olur. Əslində isə problem rəqabətdə deyil. Problem müştəriyə geri qayıtmaq üçün bir səbəb verilməməsindədir. Sadiqlik, əslində nə deməkdir? Sadiqlik — müştərinin "başqa yerdən ucuz tapa bilərəm, amma yenə də sizə gəlirəm" deməsidir. Bu hissi yaratmaq üçün böyük büdcə lazım deyil. Lazım olan şey sadədir: hər alışdan sonra müştəriyə geri qayıtmaq üçün maddi bir səbəb vermək. Yeni müştəri cəlb etmək, mövcud müştərini saxlamaqdan 5–7 dəfə baha başa gəlir. Bu rəqəm marketinq dünyasında çox dəfə sübut edilib. Amma kiçik mağaza sahiblərinin çoxu hələ də yeni müştəri arxasınca qaçır, var olanı isə diqqətsiz buraxır. Bonus sistemi necə işləyir — sadə dillə Müştəri sizdən 50 ₼-lik alış edir. Siz ona 1 ₼ bonus yazırsınız. Növbəti dəfə gəldiyi zaman həmin 1 ₼-ni ödənişə tətbiq edə bilir. Bu, bir növ kiçik "hədiyyə" kimidir — amma hədiyyə vermirsiniz, yalnız növbəti alışa həvəsləndirirsiniz. Real nümunə — əczaçılıq Müştəri hər ay 80–100 ₼-lik dərman alır. Bonus faizi 2% olarsa, 3 ayda 5–6 ₼ bonus yığır. 4-cü ayda bu bonusu istifadə edir. Nəticə: müştəri 4 ay ərzində yalnız sizin əczaçılığınıza gəldi — çünki bonusu başqa yerdə istifadə edə bilmirdi. Sosial media reklamına hər ay 630 ₼ versəniz, yeni müştəri gəlir — amma geri qayıtmağı bəlli deyil. Bonus sisteminə 630 ₼ "xərcləsəniz" — mövcud müştərini saxlayırsınız. İkincisi daha sərfəlidir. Bir neçə vacib dəqiqlik Bonus sistemini qurarkən iki şeyi mütləq fikirləşin: Maksimum ödəniş faizi. Müştərinin bir alışda nə qədər bonusla ödəyə biləcəyini məhdudlaşdırın. Məsələn 50% yazsanız, 20 ₼-lik alışda müştəri ən çox 10 ₼ bonusla ödəyə bilir. Qalan 10 ₼-